|
AGENTLIK HAQIDA
 O`zbekiston Respublikasi Vazirlar Mahkamasining 1998 yil 11 iyuldagi 296-sonli qarori bilan tashkil etilgan O`zbekiston avtomobil va daryo transporti agentligi avtomobil va daryo transporti sohasini tartibga soluvchi va nazorat qiluvchi davlat boshqaruv organidir.
Agentlikning vazifalari va vakolatlari yuqorida qayd etilgan qaror, shuningdek, O`zbekiston Respublikasining “Avtomobil transporti to`g`risida”gi Qonuni, O`zbekiston Respublikasi Prezidentining 2001 yil 4 iyundagi “Avtomobil transporti sohasida monopoliyadan chiqarish va boshqaruvni takomillashtirish to`g`risida”gi 2871-sonli Farmoni, Vazirlar Mahkamasining 2001 yil 5 iyundagi “Avtomobil transporti sohasida boshqaruvning tashkiliy tizimini takomillashtirish chora-tadbirlari to`g`risida”gi 245-sonli qarori, Vazirlar Mahkamasining 2004 yil 10 martdagi “O`zbekiston avtomobil va daryo transporti agentligi faoliyatini yanada takomillashtirish chora-tadbirlari to`g`risida”gi 118-sonli qarori hamda boshqa qator hukumat qarorlari bilan belgilab berilgan.
O`zbekiston avtomobil va daryo transporti agentligining asosiy vazifalari:
- avtomobil va daryo transportida yuk va yo`lovchilar tashishni tashkil etish va takomillashtirish bo`yicha normativ-huquqiy baza shakllantirilishini ta`minlash;
- iqtisodiyot tarmoqlari va aholining yuk va yo`lovchilar tashishga ehtiyojlarini hisobga olgan holda avtomobil va daryo transportini rivojlantirish dasturlarini ishlab chiqish va amalg oshirish, jamoat avtomobil va daryo transporti faoliyatini muvofiqlashtirish;
- avtomobil va daryo transporti xizmatlari bozorida bozor munosabatlarini va raqobat muhitini rivojlantirish uchun qulay shart-sharoitlarni ta`minlash;
- avtomobil va daryo transporti sohasida yagona texnika siyosatini o`tkazish;
- avtomobil va daryo transportida yuk va yo`lovchilar tashishni litsenziyalashni tashkil etish, litsenziatlar tomonidan litsenziya talablari va shartlari bajarilishini nazorat qilish;
- avtomobil va daryo transportida kadrlarni o`qitish va ularning malakasini oshirishni tashkil etish;
- mahalliy davlat hokimiyati va boshqaruvi organlariga, O`zbekiston Respublikasi Mudofaa vazirligi va Favqulodda vaziyatlar vazirligiga safarbarlik paytida va favqulodda vaziyatlarda avtomobil transporti maxsus bo`linmalari faoliyatini muvofiqlashtirishda ko`maklashish.
YANGILIKLAR
05 Fevral 2010 08:19
Buxoro shahrida aholiga qulaylik yaratish maqsadida qator yangi yo‘nalishlarda avtobus qatnovi yo‘lga qo‘yilmoqda. Bunga viloyat markazida joylashgan 25-33 davlat unitar korxonasi avtoparkining yangilanishi va kengayishi tufayli imkon yaratildi.
04 Fevral 2010 18:57
Bugun O`zbekiston avtomobil va daryo transporti agentligining Toshkent shahar hududiy bo`limida 2009 yil ish yakunlariga bag`ishlangan yig`ilish bo`lib o`tdi. Unda Agentlik hududiy bo`limi xodimlari, Toshkent shahrida ro`yxatdan o`tgan avtomobilda yuk tashish faoliyati bilan shug`ullanuvchi yuridik shaxslar vakillari va xususiy tashuvchilar ishtirok etdilar.
02 Fevral 2010 18:53
Jizzax shahridagi "Sangzor trans" mas`uliyati cheklangan jamiyati Xitoyda ishlab chiqarilgan "North-benz" rusumli maxsus paxta tashishga mo`ljallangan yuk avtomobillaridan xarid qilishni boshladi. Yuk ko`tarish quvvati 12 tonna bo`lgan dastlabki ikki avtomobil korxona saroyiga kelib qo`shildi.
|
