Mamlakatimizga tashrif buyurayotgan Tokio Texnologiyalar institutining professor Sh.Xonaoka boshchiligidagi Xanaoka tadqiqot guruhining ish jadvaliga ko`ra 28 sentyabr kuni mehmonlarning O`zbekiston avtomobil va daryo transporti agentligi vakillari bilan uchrashuvi ko`zda tutilgan.
Dengizga to`g`ridan-to`g`ri chiqish imkoniyati bo`lmagan mamlakatlarda xalqaro yuk tashuvlarida xavfsizlikni ta`minlash va transport xavf-xatarlarini o`rganish bo`yicha tadqiqot olib borayotgan mazkur tadqiqot guruhining navbatdagi tadqiqot ob`ekti sifatida O`zbekistonni tanlagani bejiz emas, albatta. Zero, respublikada tashilayotgan eksport-import va tranzit yuklari hajmi yil sayin oshib bormoqda. Shu bois tadqiqotchilar o`z tashriflari davomida temiryo`l va avtomobilda xalqaro yuk tashuvlari jarayonida xavfsizlikning ta`minlanishi masalalarini o`rganish va bu borada olib borilayotgan ishlar bilan yaqindan tanishishni rejalashtirgan.
O`zbekiston avtomobil va daryo transporti agentligi Axborot xizmati
